Hæhæ og halló!
Jájá! Það er gott veður og ég er í innivinnu!!! Að minnsta kosti byrja ég ekki fyrr en klukkan þrjú alla jafna, nema aðra hverja helgi, þá er ég frá 8-20! Það er massíft! En svo er ég líka í fríi í tvo daga á eftir OG þriggja daga helgi helgina eftir. Svo að ég kemst niður í bæ að fá mér ís, eða í sund, eða í hádegismat til pabba og ömmu áður en ég fer í vinnuna. Semsagt, í sumar verður hægt að fá mig til að gera eitthvað að minnsta kosti til þrjú, stundum allan daginn!
Annars er það að frétta af mér, já og okkur sktuhjúunum, að við vorum að fá okkur kettling! Hann heitir Gissur og er grábröndóttur með smá hvítt og smá brúnt í andlitinu. Hann er alveg æði! Hann er kelinn og malar alveg ofboðslega mikið. Ég hvet ykkur til að koma í heimsókn til að kíkja á hann, humm og okkur líka, kannske. Sérstaklega þá sem ekki hafa enn kíkt til okkar á Frakkastíginn. Þetta er númer 19, rauðasta húsið í götunni og gengið inn úr bakgarðinum. Það fer líka að líða að hinu stórkostlega sameiginlega innflutningspartýi!! Við stefnum að því að halda það næstkomandi laugardag (gæti þó frestast þartil helgina eftir, en það gerir ekki mikið til, þar sem við erum hvort sem er löngu flutt inn).
Hvernig sem fer, þá sjáumst við alveg örugglega!
skrifað af Runa Vala
kl: 19:49
|
